أخبارعاممنوعات

خطوات عمل الإقامه للسودانيين في مصر بطريقة مبسطة

خطوات عمل الإقامه للسودانيين في مصر بطريقة مبسطة

1- تشتري 25دولار تمش لي بنك او صرافه في العتبة بحولها ليك وديك بدلها جنيه مصري بسعر البنك بتخت فيهم زي 70جنيه اقل او اكثر وبديك ايصالات تصورهم 3صور.

2- صور جوازك 3صور
3- صور التأشيرة 3 صور
4- عقد ايجار موثق وممكن تشتريهو لو م عندك 3صور
5- خطاب من السفارة وممكن تصور من اي زول 3صور
6- رقمك الوطني 3صور

• خلاص تميت ورقك طوالي تمشي مصلحة الجوازات في العباسيه تخش طوالي تقعد مع السودانين الما شالو استمارات وممكن تتكلم مع اي سوداني ولا بوليس بوريك محل تقعد ده كلو بره في الصاله تمام.

• تستلم الاستماره تملا الورقه الاولى وتاني على حسب لو م كتار بتدخل بدون تذكره.

• تطلع طوالي الطابق التالت قدامك بتلقى زي صرافه بتسلم الايصالات الادك ليه بتاع البنك قبيل وتدفع القروش المصريه.بختم ليك ويديك ورقه

• تمش الشباك رقم 52 لوزحمه تنتظر رقم الدخول بتاعك يندهوك.

تسلم الورق كلو لي الموظف بصورك ونت واقف وديك ورقه تتخارج تجيهم بعد 15 لي 30يوم تستلم

 

اظهر المزيد

الرؤية 24

الرؤية 24 موقع إخباري سوداني شامل يهتم بنشر الأخبار العاجلة المحلية والإقليمية والعالمية بكل دقة ومصداقية وحيادية من خلال مصادر أخبار تغطي كل المدن والعواصم

مقالات ذات صلة

اترك تعليقاً

زر الذهاب إلى الأعلى